Ante a conmemoración do día 27 de xaneiro “Día internacional das Vítimas do Holocausto” a ARMH presentou por primeira vez no Estado español numerosas denuncias de casos de deportados galegos en campos de concentración nazis. Na Coruña foron presentados na casa museo Casares Quiroga, o día 27 de xaneiro de 2020, os casos dos coruñeses Jose Alvedro Villaverde, Martín Ferreiro, Manuel Rodriguez Louro, Antonio Suarez, José Seijas Ínsua e Adolfo Bregua e dos lucenses Rafael Pardo Vales e o seu sobrino José Sánchez Prado e dos irmáns Aurelio e Vitorino Díaz Hortas. Contaron as historias os familiares: Encarna Díaz, Isabel Cenamor, Julia Seijas , Adolfo Vázquez Bregua, José Luís Alamán e os investigadores Francisco Fernández Naval, Serxio Castro, Neves Villar e Carmen Rodeja. O acto foi introducido por un texto poético de Xian Alcayde.
Deportados Lugo 