Liberio Valín (Bailín) García naceu o 11 de febreiro de 1916 en Vilarín de Doncos concello de As Nogais , fillo de Elena Valín García, tamén de Vilarín de Doncos. Liberio con 20 anos residía en Madrid coa súa nai cando estalou a Guerra Civil, daquela era estudante.
Probablemente por ser combatente ou estar afiliado a algún partido ou sindicato de esquerdas viuse forzado ao exilio en Francia ao ser derrotada a República en 1939. A súa nai quedou en Madrid figurando co nome de Elena Valín García Pérez .
Coa invasión de Francia por parte de Alemaña caeu prisioneiro de guerra, sendo trasladado ao campo de prisioneiros de guerra Stalag I-B de Hohenstein (Olsztynek, Polonia). O 9 de agosto de 1940 é deportado polo réxime nazi ao campo de concentración de Mauthausen co número 3660.
Un ano despois, o 29 de marzo de 1941 é trasladado ao subcampo de Gusen co número 49267, e morre gaseado no Castelo de Hartheim o 13 de setembro de 1944 . Morreu solteiro e con 28 anos.
Ubicación da Stolpersteine: Rúa Rosalía de Castro S/N As Nogais , (diante do concello)
Deportados Lugo 